Jánibek Álimhanulynyń qarsylasy ótpeı qalǵan jekpe-jek týraly renishin bildirdi

ASTANA. KAZINFORM — Qazaqstandyq boksshy, WBO/IBF tujyrymdary boıynsha orta salmaqtaǵy álem chempıony Jánibek Álimhanulynyń qarsylasy jańa zelandııalyq Andreı Mıhaılovıch ótpeı qalǵan jekpe-jekten keıin áleýmettik jelidegi paraqshasyna pikir bildirdi. Bul týraly Sports.kz jazdy.

«Osy aıqas úshin 7000 mıl joldy artqa tastap, saıahattadym. Alaıda kútpegen jaǵdaı bolyp, jekpe-jektiń bolmaı qalǵany árıne ókinishti. Bul álbette ǵasyr oqıǵasy boldy. Amal joq kónemiz. Sizderdiń súıispenshilikterińizge kóp raqmet. Osy bir keleńsizdikti eńserýge sizder kómektesesizder», — dep jazdy Mıhaılovıch. 

Esterińizge sala keteıik, Jánibek Andreı Mıhaılovıchke qarsy ótetin jekpe-jek aldynda esinen tanyp qalǵan bolatyn. 

Artynsha promoýter Jánibek Álimhanulynyń aýrýhanaǵa túsip qalýyna qatysty málimdeme jasady.

Keıin Jánibek ózi  jaǵdaıy týraly jazba jarııalady.