Jánibek Álimhanulynyń Erıslandı Laramen chempıondyq jekpe-jegi resmı jarııalandy
ASTANA. KAZINFORM - Qazaqstandyq Jánibek Álimhanuly qatysatyn orta salmaqtaǵy WBO, IBF jáne WBA belbeýleri úshin birikken tıtýldyq jekpe-jek resmı túrde jarııalandy.
Otandasymyz qazirge deıin WBO, IBF tujyrymdary boıynsha orta salmaqtaǵy álem chempıony atanǵan. Endi Jánibek 6 jeltoqsanda WBA tujyrymy boıynsha orta salmaqtaǵy álem chempıony, 42 jastaǵy Erıslandı Laramen qolǵap túıistiredi.
Bul jekpe-jek AQSh-tyń Tehas shtatynda ornalasqan San-Antonıo qalasynda ótedi. Atalǵan boks keshinde Lamont Roých pen Isaak «Pıtbýl» Krýs ta ózara kim myqtyny anyqtaıdy.
Jánibek Álimhanuly 1993 jyly 1 sáýirde dúnıege kelgen. Áýesqoı boksta 2013 jyly álem chempıony ataǵynyp, sol jyly Azııa chempıonatynda jeńis tuǵyryna kóterildi.
2015 jyldan beri kásipqoı boksta 17 jekpe-jek ótkizip, sonyń barlyǵynda jeńiske jetken.
Buǵan deıin Jánibek 2025 jyldyń 5 sáýirinde frantsııalyq boksshy Anaýel Ngamıssengýden besinshi raýndta tehnıkalyq nokaýtpen jeńgen edi.