Jánibek Álimhanulynyń Astanadaǵy boks keshine bıletter satylymǵa shyqty

ASTANA. KAZINFORM – Orta salmaqta WBO jáne IBF nusqasy boıynsha álem chempıony, qazaqstandyq kásipqoı boksshy Jánibek Álimhanulynyń (16-0, 11KO) 5 sáýir kúni Astana qalasynda ótetin boks keshine bıletter satylymǵa shyqty.

ıAndeks afısha saıtyndaǵy bıletterdiń quny 20 myń teńgeden bastalyp, eń qymbaty 255 myńteńgege baǵalanyp otyr. 

Aıta keterligi, boks keshin qazaqstandyq Nomad Promotions kompanııasy uıymdastyryp, ESPN telearnasy tikeleı efırden kórsetedi.

Eske sala ketsek, Jánibek Álimhanuly kezekti jekpe-jeginde Anaýel Ngamıssengýge (14-0, 9KO) qarsy chempıondyq beldikterin qorǵaıdy.

Atalǵan boks keshinde búginde ulttyq qurama sapynda el namysyn qorǵap júrgen aǵaıyndy Sabyrhandar sharshy alańda kásipqoı boksta baqtaryn synap kórmek.

Aǵaıyndy boksshylardyń qarsylasy ázirge anyqtalmaǵan.

Sondaı-aq, osy kúni Sultan Zaýyrbek pen Batyr Júkembaev ta boks keshiniń kórigin qyzdyrady dep josparlanyp otyrǵany belgili boldy.

Kásipqoı boksshy osyǵan deıin ótken baspasóz maslıhatynda Kazinform tilshisine aldaǵy jospary týraly aıtyp bergen bolatyn.