Jánibek Álimhanulyna qatysty dopıng isi: qorytyndy tyńdaý qaı kúni bolady
ASTANA. KAZINFORM – Kásipqoı boksshy, álem chempıony Jánibek Álimhanulyna qatysty dopıng daýyna baılanysty tártiptik istiń qorytyndy tyńdaýy 19 qańtarǵa belgilendi. Bul týraly Qazaqstan kásipqoı boks federatsııasynyń prezıdenti Raqymjan Erdenbekov málimdedi.
Onyń aıtýynsha, dál osy kúni 8 qańtarda ashylǵan V dopıng-synamanyń taldaý nátıjeleri resmı túrde jarııalanady.
Qazaqstan kásipqoı boks federatsııasy qazirgi tańda V synamasynyń qorytyndysy shyqqanǵa deıin Jánibek Álimhanuly kinásiz dep esepteletinin jáne orta salmaqta WBO men IBF nusqalary boıynsha álem chempıony mártebesin saqtaıtynyn atap ótti.
Federatsııa ókilderiniń málimetinshe, isti qaraý belgilengen halyqaralyq antıdopıng talaptary men rásimderge tolyq sáıkes júrgiziledi.
Eske sala keteıik, 2025 jylǵy jeltoqsan aıynyń basynda Jánibek Álimhanulynyń WBA tujyrymy boıynsha álem chempıony Erıslandı Laramen ótetin jekpe-jekke daıyndyq barysynda alynǵan A dopıng-probasynan antıdopıng kodeksimen tyıym salynǵan meldonıı anyqtalǵany habarlanǵan bolatyn.
Osyǵan baılanysty sol sátte alynǵan V dopıng-synamany ashyp, qaıta taldaý 8 qańtarda júrgizildi. Qorytyndy sheshim 19 qańtarda shyǵarylady.