Jánibek Álimhanuly WBO reıtıngisinde áli kósh bastap tur
ASTANA.KAZINFORM — Búkilálemdik boks uıymy (WBO) qańtar aıyna arnalǵan jańartylǵan reıtıngisin jarııalady.
Reıtıngige sáıkes, orta salmaqta WBO jáne IBF nusqasynyń álem chempıony Jánibek Álimhanuly áli de kósh bastap, chempıon statýsyn saqtap tur.
Aıta keterligi, qazirgi ýaqytta Jánibektiń dopıng daýyna baılanysty naqty sheshim qabyldanǵan joq. Sol sebepti boksshy álide orta salmaqtaǵy álem chempıony ataǵynan resmı aıyrylǵan joq.
Eske salaıyq, 2025 jyldyń 6 jeltoqsanyna josparlanǵan WBA nusqasy boıynsha álem chempıony Erıslandı Laramen úsh tıtýl úshin ótetin jekpe-jekke úsh kún qalǵanda qazaqstandyq chempıonnyń synamasynan tyıym salynǵan meldonıı zaty tabylǵany jarııalandy.
Sóıtip Jánibektiń eń mańyzdy jekpe-jegi toqtatyldy.
Qazaqstan kásipqoı boks federatsııasy 20 qańtar kúni Jánibek Álimhanulynyń «V» synamasynda dopıng baryn rastady.