Jánibek Álimhanuly tıtýldyq jekpe-jegine qatysty málimdeme jasady
ASTANA. KAZINFORM — Qazaqstandyq jeńilip kórmegen boksshy Jánibek Álimhanuly sýper orta salmaqtaǵy WBO belbeýi úshin kimmen judyryqtasýy múmkin ekenin aıtty.
Sportshynyń aıtýynsha, ol sharshy alańǵa 2026 jyldyń jeltoqsanynda-aq oralýǵa ázir.
— Jekpe-jegimiz Djoshýa-Fıýrı kezdesýiniń anderkardynda ótedi dep oılaǵanmyn, — dep jazdy Jánibek Álimhanuly áleýmettik jelide.
Degenmen ókinishke qaraı, qazaqstandyq boksshy men orta salmaqtaǵy WBO tıtýlyna úmitker Djeıkob Banktiń promoýterleri arasyndaǵy kelissóz sıyrquıymshaqtanyp barady.
— Biraq ázirge eshqandaı jańalyq joq. Ózim de jańalyq kútip otyrmyn, — dedi Álimhanuly.
Qazaq boksshysy buǵan deıin Nıý-Iorkte rıngke shyqqysy keletinin aıtqan bolatyn.
Aıta keteıik, Hamza Shıraz Álimhanulymen judyryqtasýdan bas tartyp, WBO belbeýinen aıyrylǵan.
