Jánibek Álimhanuly sýper orta salmaqta WBO tıtýylyna mindetti úmitker atandy
KAZINFORM.ASTANA – Jaqynda orta salmaqta WBO nusqasy boıynsha álem chempıony ataǵynan bas tartyp, sýper orta salmaqqa aýysqan qazaqstandyq kásipqoı boksshy Jánibek Álimhanuly kezekti jekpe-jeginde álem chempıony tıtýylyna talasady.
Tanymal Amerıkalyq «The Ring magazine» kásipqoı boks basylymynyń habarlaýynsha, Dúnıejúzilik boks uıymy (WBO) chempıondar komıteti sýper orta salmaqta álem chempıony tıtýylyna mindetti qarsylasty bekitti.
WBO qabyldanǵan sheshimge sáıkes, 160 fýnt salmaqtaǵy WBO tıtýlynyń burynǵy ıegeri Jánibek Álimhanuly resmı túrde Hamza Shırazdyń mindetti qarsylasy retinde belgilendi, al Djeıkob Banktiń osyǵan qatysty ótinishi qabyldanbady.
Qos taraptyń komandasyna sharttardy kelisýge 20 kún berildi.
Aıta keterligi, qazaqstandyq boksshy Shırazdyń belbeýine ekinshi úmitker retinde qoıyldy. 31 qazanda WBC chempıony Krıstıan Mbıllımen kezdesetin Kanelo Alvares sýper orta salmaqta WBO tıtýylynyń basty úmitkeri sanalady.
Eske salaıyq, Jánibek Álimhanuly 2026 jyly 21 shildede WBO nusqasy boıynsha orta salmaqtaǵy álem chempıony ataǵynan óz erkimen bas tartyp, sýper orta salmaqqa aýysty.
Sonymen qatar, qazaqstandyq boksshy uıymnyń jańartylǵan reıtınginde birden 2-satyǵa jaıǵasty.
