Jánibek Álimhanuly ózine metsenat syılaǵan kólikti menedjeri Berik Sultanǵa tabys etti
Ótken túni Almatyda ótken boks keshinde kásipker, metsenat Dýlat Tastekeev kásipqoı boksshy WBO jáne IBF tujyrymy boıynsha eki chempıondyq belbeýdiń ıegeri Jánibek Álimhanulyna kólik syılady, dep habarlaıdy Kazinform.
Chempıonǵa Zeekr 001 avtokóliginiń kiltin kásipker, qoǵam qaıratkeri, metsenat, Almaty qalasy máslıhatynyń depýtaty, TAS Group kompanııalar tobynyń jetekshisi Dýlat Tastekeı tapsyrdy.
Alaıda, boksshy bul kólikti menedjeri Berik Sultanǵa tabys etti.
Bul týraly boksshy áleýmettik jelige jazdy.
«Barshańyzdy kórgenime qýanyshtymyn. Sizderdiń qoldaýlaryńyzdy muhıttyń arǵy jaǵynan sezinemiz. Kóp rahmet sizderge. Dýlat aǵa, syılyǵyńyzǵa kóp rahmet. Osy sátti paıdalana otyryp ózimniń iniligimdi, qazaqylyǵymdy, baýyrlyǵymdy jasaǵym kep otyr. Biz Qazaq styledy álem tarıhynda qaldyramyz. Sol tarıhty menimen birge qashap, jazyp júrgen - Berik Sultan. Ol meniń aǵam, menedjerim. Bul kisi bolmasa bizdiń Qazaq style tarıhy álsiz jazylýshy edi. Sondyqtan osy kisige rahmet. Temir tulpar ózińizdiki. Janqosh baýyrym jeńiske jetsin, sáttilik»,- dedi Jánibek Álimhanuly.
Syılyqty qabyldaǵan Berik Sultan óz kezeginde: «Barlyqtaryńyz qazaq sportynyń jankúıerleri ekenderińizdi bilemiz. Eki úlken belbeýdi jeńip aldyq. Aldymyzda Charlo (Djermall) bar, Kanelo (Alvares) bar. Solardy qulatýdy násip etsin», – dep atap ótti.
Esterińizge sala keteıik, ótken túni Almatydaǵy Balýan Sholaq atyndaǵy sport kesheninde kásipqoı boks keshi ótip, basty jekpe-jekte Janqosh Turarov japondyq qarsylasy Akıhıro Kondony aıqyn basymdyqpen utyp, chempıondyq beldigin tartyp aldy.
Posmotret etý pýblıkatsııý v Instagram
