Jánibek Álimhanuly qurmetti boksshylar tizimine endi

Boks týraly jańalyq taratatyn CFSportsClub H (Twitter) akkaýnty jańa jylda nazar aýdaratyn boksshylar tizimin jarııalady. Kazinform agenttigi bul jaıynda Sports.kz resýrsyna silteme jasap habarlaıdy.  

CFSportsClub nusqasy boıynsha, 2024 jyly sporttaǵy jolyn qadaǵalap, úmit artýǵa bolatyn úzdik 5 boksshy: qazaqstandyq Jánibek Álimhanuly (15-0, 10 KO) jáne AQSh-tyń tórt ókili: Devıd Benavıdes (28-0, 24 KO), Djeron Ennıs (31-0, 28 KO), Floıd Skofıld (16-0, 12 KO) jáne Brıýs Kerrıngton (10-0, 6 KO).

Eske sala keteıik, Jánibek Álimhanuly — WBO jáne IBF nusqalary boıynsha orta salmaqtaǵy álem chempıony.

Qazaqstandyq boksshy buǵan deıin 2024 jyly 160 fýnt dıvızıonynda absolıýtti álem chempıony bolýdy josparlap otyrǵanyn birneshe ret aıtqan bolatyn.