Jánibek Álimhanuly qatysatyn boks keshi qaı telearnadan kórsetiledi

ASTANA. KAZINFORM — Qazaqstandyq Jánibek Álimhanulynyń qatysýymen 5 sáýirde Astana qalasynda ótetin «Battle of the Brave» kásipqoı boks keshiniń qaı telearnadan kórsetiletini belgili boldy.

Elordadaǵy «Barys Arena» bolatyn sporttyq shara kópshilik nazaryna tikeleı efırde «Qazaqstan» jáne «Qazsport» telearnalary arqyly usynylady. Sondaı-aq álem jurtshylyǵy ony belgili ESPN sport kanaly arqyly tamashalaı alady. 

Boks keshiniń baǵdarlamasynda ózge de qazaqstandyq sportshylar synǵa túsedi. Atap aıtqanda, jankúıerler Sultan Zaýyrbek pen Azınga Fýzıle, Batyr Júkembaev pen Keın Gardner, Balaýsa Muzdıman men Rozalında Rodrıges jekpe-jegin kórýine múmkindigi bar.

Oǵan qosa kásipqoı rıngte aǵaıyndy Sabyrhandar — Mahmud pen Tórehan, oǵan qosa ózbekstandyq Bahodır Jalolovtyń básekesi ótedi dep josparlanyp otyr.

Eske salsaq, budan buryn kásipqoı boksshy Jánibek Álimhanulynyń boks keshine bıletter satylymǵa shyqqanyn habarlaǵan edik.