Jánibek Álimhanuly qarsylasyn tehnıkalyq nokaýtpen jeńdi
Qazaqstandyq boksshy Jánibek Álimhanuly (14-0, 9 KO) AQSh-tyń Tehas shtaty Rozenberg qalasynda ótken boks keshinde oıyn kórsetti, dep habarlaıdy Kazinform.
Jánibek Álimhanuly WBO jáne IBF sanaty boıynsha orta salmaqta eki belbeýdi sarapqa salǵan jekpe-jekti nemis boksshysy Vınchentso Gýalterımen (21-0-1, 7 KO ótkizdi.
On eki raýnd bolady dep belgilengen jekpe-jek altynshy raýndta Jánibektiń qarsylasyn tehnıkalyq nokaýtqa jiberýimen aıaqtaldy.
Osylaısha qazaqstandyq bylǵary qolǵap sheberi kásipqoı boksta on besinshi jeńisine qol jetkizdi.
Nátıjesinde óziniń júldeler sanyn WBO jáne IBF belbeýlerimen tolyqtyrdy.
Jánibek Álimhanuly 1993 jyly 1 sáýirde Almaty oblysynda dúnıege kelgen.
Kásipqoı boksta orta salmaqta oıyn kórsetedi. Qazirge deıin barlyq jekpe-jegin jeńispen aıaqtap keledi.
Áýesqoı boksta 2013 jyly álem chempıony atansa, 2013-2014 jyldary Azııa chempıony boldy.
Posmotret etý pýblıkatsııý v Instagram
