Jánibek Álimhanuly IBF álem chempıony tıtýlyn saqtap qaldy
ASTANA.KAZINFORM — Halqaralyq boks federatsııasy (IBF) aqpan aıyna arnalǵan jańartylǵan reıtıngisin jarııalady.
Jańartylǵan reıtıngige sáıkes, qazaqstandyq boksshy dopıng daýyna qaramastan uıymnyń orta salmaqtaǵy álem chempıony tıtýlyn saqtap qaldy.
Aıta keterligi, taǵy bir qazaqstandyq boksshy Sultan Zaýyrbek birinshi jeńil salmaqta 3-orynnan kórindi.
Qazirgi ýaqytta Jánibek kásipqoı rıngten bir jylǵa shettetildi. Boksshy jyl sońynda mindetti jekpe-jek ótkizýi tıis.
Osyǵan deıin habarlaǵandaı, Búkilálemdik boks uıymy (WBO) Jánibek Álimhanulyna tyıym salynǵan meldonıı zaty boıynsha oń nátıje kórsetken dopıng synamasyna baılanysty sheshim shyǵaryp, chempıondyq ataǵyn qaldyrǵan bolatyn.
Sondaı-aq Qazaqstan Kásipqoı boks federatsııasynyń prezıdenti Rahymjan Erdenbekov sportshynyń aǵzasyna dopıngtiń qalaı túskeni týraly aıtyp berdi.
Qazaqstan Kásipqoı boks federatsııasy Jánibek Álimhanulyn 2026 jylǵy 31 mamyrǵa deıin jarystan shektedi.