Jánibek Álimhanuly eki birdeı belbeýge talas aldynda «jyl nokaýtyna» ýáde berdi
ASTANA. KAZINFORM – Qazaq boksshysy, WBO/IBF tujyrymdary boıynsha orta salmaqtaǵy álem chempıony Jánibek Álimhanuly jańa zelandııalyq qarsylasy Andreı Mıhaılovıchke qarsy ótetin jekpe-jek aldynda málimdeme jasady. Bul týraly Sports.kz. jazdy.
Jánibek Álimhanuly álem chempıony ataǵy úshin jekpe-jek aldynda mańyzdy jańalyǵymen bólisti. Bylǵary qolǵap sheberleriniń teketiresi 13 shildede (Qazaqstanda 14 shilde kúni tańerteń) Las-Vegastaǵy Palms Casino Resort kesheninde ótedi.
«Menen tek chempıondardyń qoryqqanyn qalamaımyn. Reıtıngtegi birinshi jáne ekinshi nómirler de menen qoryqqanyn qalaımyn. 13 shildede jyl nokaýtyn kórsetemin», — dep jazdy jattyǵý barysynan.
Esterińizge sala keteıik, Jánibek Álimhanuly Andreı Mıhaılovıchpen qarsy jekpe-jekke ótken jyldyń qazan aıynan beri alǵash rıngke shyqpaqshy.
I don't want only champions to afraid me. I want the first second numbers in the ranking to be afraid of me too.
— Janibek Alimkhanuly (@qazaqstyle) June 28, 2024
On July 13th I will show you the knockout of the year. pic.twitter.com/TqSe1Pqsq9
