Jánibek Álimhanuly Sıdneıdegi boks keshinde Andreı Mıhaılovıchten basym tústi
ASTANA. KAZINFORM – Orta salmaqta WBO jáne IBF tujyrymdary boıynsha álem chempıony Jánibek Álimhanuly (15-0, 10 KO) búgin jańazelandııalyq Andreı Mıhaılovıchten basym tústi. Qazaqstandyq bylǵary qolǵap sheberi qarsylasymen tartysty jekpe-jek ótkizdi.
12 raýndqa josparlanǵan kezdesýde otandasymyz aıqyn basymdylyq tanytty. Ekinshi raýndta Andreı Mıhaılovıchti nokdaýnǵa túsirdi. Al, toǵyzynshy raýndta Álimhanulynyń aýyr soqqysynan keıin tóreshi jekpe-jekti toqtatýǵa májbúr boldy. Osylaısha Jánibek qarsylasyn Sıdneıde san soqtyryp, chempıondyq belbeýin saqtap qaldy.
Aıta ketsek, bul jekpe-jek shilde aıynda ótýi tıis bolatyn. Ol ýaqytta Jánibek Álimhanuly aýrýhanaǵa tústi. Bul jóninde boksshy keıinnen tvıtter paraqshasynda bylaı dep jazdy:
«Qoldaýlaryńyzǵa raqmet! Mende qazir barlyǵy durys. Birneshe apta salyp araǵa qaıta qosylamyn. Bastysy men orta salmaqta óner kórsete beremin. Meniń bul jaqta bitpegen sharýalarym bar», - dep jazdy Álimhanuly.
Búgingi boks keshi Aýstralııanyń Sıdneı qalasyndaǵy The Star arenasynda ótti. 25 jastaǵy Andreı Mıhaılovıch kásipqoı rıngte 21 jekpe-jek ótkizip, birde-bir ret jeńilmegen. 13 kezdesýin nokaýtpen aıaqtaǵan 21-0, 13 KO. Qazirde Halyqaralyq boks federatsııasy (IBF) reıtınginde 3 orynda tur.
