Jánibek Álimhanuly álemniń úzdik 20 boksshysynyń qataryna kirdi

ASTANA. KAZINFORM - Boxingscene.com tilshisi Stıven Edvards salmaq dárejesine qaramastan álemniń eń myqty boksshylarynyń tizimin jasady, dep habarlaıdy Sports.kz.

Bul tizimge WBO jáne IBF nusqalary boıynsha álem chempıony qazaqstandyq Jánibek Álimhanuly (17-0, 12 KO) da kirdi. Ol 20-shy orynda tur.

P4P-reıtınginiń kóshbasshysy retinde Edvards amerıkalyq bylǵary qolǵap sheberi Terens Kroýfordty (41-0, 31 KO) tańdaǵan.

Sonymen qatar, úzdik bestikke ýkraınalyq Aleksandr Ýsık (23-0, 14 KO), japonııalyq Naoıa Inoýe (29-0, 26 KO) men reseılik boksshylar Dmıtrıı Bıvol (24-1, 12 KO) jáne Artýr Beterbıev (21-1, 20 KO) kirdi.

Al álemdik bokstyń bet-beınesi sanalatyn meksıkalyq Saýl Alvarestiń (62-2-2, 39 KO) reıtıngide 8-shi orynda turǵany aıtylǵan.

Osyǵan deıin Jánibek Álimhanulynyń álemdik reıtıngide bir saty joǵarylaǵany týraly jazdyq.