Jánibek Álimhanuly álem chempıonyn nokaýtpen jeńgennen keıin qansha tabys tapqany belgili boldy

 WBO jáne IBF tujyrymdary boıynsha orta salmaqtaǵy álem chempıony Jánibek Álimhanulynyń germanııalyq Vınchentso Gýalterımen jekpe-jeginen qansha qarjy tapqany belgili boldy. Kazinform bul týraly Sports.kz saıtyna silteme jasap habarlaıdy. 

Sheteldik aqparat kózderine súıensek, «Qazaq stıliniń» qalamaqysy – 400 myń dollar, al aqyly tarnslıatsııalardyń satylym kórsetkishi 500 myńnan assa, Jánibek 1,5 mıllıon dollar tabys tabady.

Aıta keteıik, jekpe-jek uıymdastyrýshylary da, jergilikti sport komıssııasy da boksshylardyń naqty tabysyn ázirge resmı túrde jarııalaǵan joq.

Buǵan deıin belgili jýrnalıst Den Rafael Gýalterıdiń Álimhanulymen jekpe-jekten alatyn tabysy 750 myń dollar ekenin aıtqan bolatyn. Basqa derekkózderge súıensek, onyń tabysy bir mıllıon AQSh dollaryna jetýi múmkin.

Esterińizge sala keteıik, Jánibek Álimhanuly WBO jáne IBF sanaty boıynsha orta salmaqta eki belbeýdi sarapqa salǵan jekpe-jekti nemis boksshysy Vınchentso Gýalterımen (21-0-1, 7 KO) ótkizip, jeńiske jetken bolatyn.