Jánibek Álimhanuly jelige aldaǵy jekpe-jegi jaıynda jazba jarııalady
ASTANA. KAZINFORM – WBO jáne IBF nusqasy boıynsha orta salmaqtaǵy álem chempıony Jánibek Álimhanuly aldaǵy jekpe-jegi jaıynda málimdeme jasady.
Sheteldik ınsaıder kózderiniń aqparaty boıynsha bylǵary qolǵap sheberi 6 jeltoqsanda WBA belbesýin jeńip alý úshin kýbalyq Erıslandı Laromen qolǵap túıistiredi. «Kazakh style» atanǵan Jánibek birneshe aıdan keıin rıngke qaıta oralýdy maqsat etip otyr.
Qazirgi ýaqytta Jánibek AQSh-ta aldaǵy aıqasyna daıyndyǵyn bastap ketti. Ol jekpe-jektiń sátti ótetinine tolyq senimdi ekenin jetkizdi.
– Jaqynda... jeńil jumys, - dep jazdy Jánibek H áleýmettik jelidegi paraqshasynda.
Aldaǵy jekpe-jek Jánibek Álimhanuly úshin 2025 jyldaǵy ótkizgen ekinshi aıqasy bolmaq. Astana qalasynda sáýir aıynda ótken jekpe-jekte ol frantsııalyq Anaýelıa Ngamıssengeni nokaýtqa jibergen edi.
Buǵan deıin Jánibek Álimhanulynyń úsh belbeý sarapqa salynatyn tarıhı jekpe-jekke qol qoıǵanyn habarlaǵan edik.