Jánibek Álimhanuly 23 qańtarda álem chempıony ataǵy úshin jekpe-jek ótkizedi
ASTANA. KAZINFORM — Danııalyq Primetime Boxing promoýterlik kompanııasy otandyq kásipqoı boksshy Jánibek Álimhanuly men danııalyq ıAkob Bank arasyndaǵy álem chempıony ataǵy úshin ótetin jekpe-jekti resmı túrde jarııalady, dep habarlaıdy INFORMSPORTS.
Ekinshi orta salmaqtaǵy bos turǵan WBO tuǵyry úshin tartysty kezdesý 2027 jyldyń 23 qańtarynda Danııanyń Horsens qalasynda ótedi.
Sports.kz tilshisiniń suraǵyna jaýap bergen Bank bul jekpe-jekte kim chempıon bolatynyn aıtty.
– Bul jekpe-jekke boljamym óte qarapaıym: 23 qańtar kúni ıAkob Bank ekinshi orta salmaqta WBO nusqasy boıynsha jańa álem chempıony bolady, - dedi boksshy.
Bul kezdesýde qos boksshy ekinshi orta salmaqtaǵy vakantty (bos qalǵan) WBO álemdik tájin sarapqa salady. Bul belbeý ulybrıtanııalyq Hamza Shıraz qazaqstandyq boksshyǵa qarsy mindetti qorǵaýdan bas tartqannan keıin ıesiz qalǵan edi. Osydan soń Dúnıejúzilik boks uıymy (WBO) Álimhanuly men Bank arasyndaǵy tıtýldyq aıqasty resmı bekitip, qos taraptyń menedjerleri ony ótkizý sharttaryn tolyq kelisti.
Esterińizge sala keteıik, Jánibek Álimhanuly budan buryn rıngke 2025 jyldyń sáýir aıynda Astanada shyǵyp, Frantsııa ókili Anaýel Ngamıssengeni nokaýtqa túsirgen edi. Al onyń qarsylasy ıAkob Bank osyǵan deıin 2026 jyldyń 25 shildesinde Jıddada (Saýd Arabııasy) jekpe-jek ótkizip, ulybrıtanııalyq Pavel Avgýstynıkti qapy qaldyrǵan.
Budan buryn habarlaǵanymyzdaı, Jánibek Álimhanuly Dana Ýaıttyń jańa boksshysy týraly málimdemesin joqqa shyǵardy.
