Jánibek Ábý-Bákir XII Dúnıejúzilik oıyndardyń chempıony atandy
ASTANA. KAZINFORM - Qytaıdyń Chendý qalasynda ótip jatqan XII Dúnıejúzilik oıyndarynda el qorjynyna birinshi altyn medal tústi, dep habarlaıdy QR Týrızm jáne sport mınıstrliginiń Sport komıteti.
Djıý-djıtsýdan álem chempıony sanalatyn 69 kelidegi Jánibek Ábý-Bákir fınaldyq aıqasta Farıd Ben Alıdi 12:9 esebimen jeńip ketti.
Jarystaǵy joly:
Toptyq kezeń.
Raıan Proag - 50:0
Farıd Ben Alı - 17:14
1/2 fınal
Erasmo Pagano - 20:4
Buǵan deıin djıý-djıtsýdan 62 kelidegi Aslan Qanatbek qola júldeger atanǵan bolatyn.
Aıta keteıik, Dúnıejúzilik oıyndarynyń ótken tarıhynda Qazaqstan atynan tek 2022 jyly Galına Dývanova kúmis júlde jáne 2009 jyly Aıjan Kýkýzova qola júldege ıelik etken edi.
