Jańajyldyq merekelerde 1900-den astam qylmys jasaldy, olardyń jartysynan kóbi táýlik ishinde ashylǵan - QR ІІM
ASTANA. 4 qańtar. QazAqparat - Jańajyldyq merekelerde, 2011 jyldyń 31 jeltoqsanynan 2012 jyldyń 3 qańtaryna deıin 1952 qylmys jasaldy, olardyń jartysynan kóbi kezekshilik táýlik ishinde ashylǵan, dep habarlady búgin QR ІІM-niń baspasóz qyzmeti.
Atap aıtqanda, 34 adam óltirý deregi tirkeldi, onyń 26-sy ashyldy. 6 qaraqshylyq shabýyl jasaý, 231 tonaý, 939 urlyq jasaldy. Buryn jasalǵan 206 qylmys ashyldy, sonyń ishinde ótken jyldardaǵy 150 qylmys bar», - dep naqtylaıdy málimetterdi QR ІІM-de.
Jedel-izdetirý sharalarynyń barysynda tergeý men sottan jasyrynyp júrgen 40 qylmysker tabyldy. Ótkizilgen jedel sharalardyń nátıjesinde 7 esirtki qylmysy anyqtaldy, onyń ishinde 2 ótkizý deregi bar. Zańsyz aınalymnan 2 kılogramnan astam marıhýana, 359 gramm geroın alyndy», - delingen taratylǵan habarlamada. Vedomstvonyń aqparaty boıynsha, jańajyldyq merekelik kúnderi eldiń kólik joldarynda 85 jol-kólik oqıǵasy tirkeldi, sonyń saldarynan 17 adam qaza taýyp, 72 adam jaraqattandy.
