Jańajyldyq mereke kúnderi tórt jarym myńǵa tarta elorda turǵyny «jedel járdem» kómegine júgindi
ASTANA. 5 qańtar. QazAqparat - Jańajyldyq mereke kúnderi tórt jarym myńǵa tarta elorda turǵyny «jedel járdem» kómegine júgindi, - dep habarlaıdy astana.kz saıtyna Astana qalasynyń medıtsınalyq jedel járdem stansasynan.
QMJJS bas dárigeri Qanat Tósekbaev: «turǵyndar 31 jeltoqsan kúni - 1230 ret, 1 jáne 2 qańtar kúnderi - 1630 retten «jedel járdem» shaqyrtty», - dep naqtylady.
Bas dárigerdiń aıtýynsha, naýqastar kóbine JRVI, tynys alý organdary men júrek-qan tamyrlary aýrýlary boıynsha kómek suraǵan.
«Bul kúnderi aýyr halde túsken naýqas tirkelgen joq», - dedi Q.Tósekbaev.
Elordalyq jedel járdem stansasynda jumys kún saıyn da qarbalas júredi. Munda kúnine myń jarym kómek suraǵan shaqyrtýlar túsedi. Kún raıynyń kúrt salqyndaýyna baılanysty osy qysta «jedel járdem» kómegenine júgingender sany birneshe ese artyp ketti.
