Jańajyldyq mereke kúnderi Kóliktegi ІІD-niń jeke quramy kúsheıtilgen jumys tártibine kóshedi
ASTANA. 26 jeltoqsan. QazAqparat - Jańajyldyq mereke kúnderi, ıaǵnı 30 jeltoqsan men 2 qańtar aralyǵynda QR ІІM Kóliktegi ishki ister departamentiniń jeke quramy kúsheıtilgen rejimde jumys isteıtin bolady.
Bul týraly Kóliktegi ІІD baspasóz qyzmetinen málim etti.
«Kólik saqshylary áýejaılar men temirjol vokzaldaryndaǵy tynyshtyqty kúzetip, qoǵamdyq tártipsizdik pen jolaýshylardyń qaýipsizdigin qamtamasyz etý, qyzmet kórsetý aýmaǵynda basqa da aýyr qylmystardyń aldyn alý boıynsha sharalardy júzege asyrady», - dedi Kóliktegi ІІD bastyǵynyń orynbasary polıtsııa polkovnıgi Marat Jeksenbekov.
30 jeltoqsan men 2 qańtar kúnderi KІІ departamentiniń ártúrli qyzmet salalarynan jasaqtalǵan jedel toptar qurylady. Ásirese, Astana, Almaty jáne Shymkent sııaqty iri qalalarda qaýipsizdik jiti baqylanyp, qosymsha kúshter jumyldyrylatyn bolady.
