Jańajyldyq dástúr: bir-birimen renjisken perýlikter judyryqtasýǵa shyǵady
ASTANA. QazAqparat - Perýdiń keıbir aýdandarynda turatyn baıyrǵy halyqtardyń birinde Jańa jyl merekesin qarsy alýdyń qyzyq dástúri bar. Jyl boıy bir-birimen renjisip júrgen adamdar jurtshylyq aldyna shyǵyp, kádimgideı tóbelesedi, dep habarlady www.24.kz.
Meıramǵa kelgen er adamdar ǵana emes, áıelder, tipti, balalar da bir-birine aıamaı judyryq jumsaýǵa ruqsat bar. Degenmen, olar óz qarsylasynyń densaýlyǵyna qaýip tóndirmeýi tıis jáne burynǵy kegi men óshin budan bylaı umytýy shart. Osylaısha olar bir-birine jaqsy nıette bolyp, jańa jylǵa dos kóńilmen qadam basýlary kerek. Merekeniń ereksheligi osy bolsa da, aıaqtalýynyń kez kelgen basqa meıramnan aıyrmashylyǵy joq. Munda kelgen jurtshylyq bir dastarhannan tamaqtanyp, ishimdik iship, birge án aıtyp, bı bıleıdi.
