Jańajol munaı-gaz kesheninde kúıik shalǵan jumysshy aýrýhanada kóz jumdy - Aqtóbe oblysy
Aqtóbe oblysy Jańajol ken ornyndaǵy gaz zaýytyndaǵy órt 1 mamyr kúni boldy. Órt 14 saǵattan soń sóndirildi. Kóp uzamaı qylmystyq is qozǵalyp, órt kezinde kúıik shalǵan tórt jumysshy aýyldan qalaǵa jetkizildi.
Aqtóbedegi aýrýhanadan soń naýqastardyń úsheýi Astanaǵa jiberildi.
«Úsh naýqas Astanaǵa jiberilse, bireýi Aqtóbedegi jedel járdem aýrýhanasynda em qabyldady. Aqtóbedegi naýqastyń jaǵdaıy turaqty. Al 3 mamyr kúni sanavıatsııamen Astana qalasyna jiberilgen 56 jastaǵy naýqas búgin kóz jumdy. Onyń denesiniń 70-75 paıyzyn kúıik shalǵan. ıAǵnı, tynys alý joly da zaqymdandy. Ony kompanııa ókilderi Aqtóbege jetkizedi»,- dedi oblystyq densaýlyq basqarmasynyń basshysy Rústem Isaev.
Eske salsaq, «SNPS-Aqtóbemunaıgaz» AQ-nyń resmı saıtynda ákimshiliktiń málimeti jarııalandy.
«Jospardan tys jóndeý jumystary júrgizilgen kezde qubyrdan gaz shyǵyp, onyń arty órtke ulasqan. Ol kezde dıametri 219 mm bolatyn gaz ótkizý qubyry jóndeldi. Qubyr rezervte turdy, ıaǵnı jumys istep turǵan negizgi qurylǵydan ajyratylǵan edi. Órt qaýipsizdigi erejesine sáıkes oqıǵa ornyna «Semser-Órt sóndirýshi» JShS-niń órt sóndirýshileri shaqyryldy. Órt 2 mamyr kúni saǵat 6:20-da tolyq sóndirildi. Ókinishtisi – daıyndaý tsehynyń jumysshylaryn kúıik shaldy. Aktsıonerlik qoǵam zardap shekken ár jumysshyǵa 1 mln teńge materıaldyq shyǵyn tóleıdi. Al, órttiń shyǵý sebebi memlekettik komıssııa tekserýinen soń anyqtalady. Jańajol munaı-gaz kesheninde magıstraldy gaz qubyryna arnalǵan taýarly gazdy jetkizý shuǵyl túrde qalpyna keltirildi. Sonymen birge, suıtylǵan gaz óndirý jáne jetkizý jumysy retteldi», - dep jazylǵan habarlamada.
