Jańajol Qýanyshbek grek-rım kúresinen jasóspirimder arasynda álem chempıony atandy
ASTANA. KAZINFORM – Jańajol Qýanyshbek (45 keli) Grekııa astanasy Afıny qalasynda grek-rım kúresinen 17 jasqa deıingi jasóspirimder arasynda álem chempıonatynda top jardy.
Jańajol Astana qalasyndaǵy «Kúres túrleri boıynsha olımpıadalyq daıarlaý ortalyǵy» RMQK Jaqsylyq Úshkempirov atyndaǵy jekpe-jek saraıynda tálim alyp júr. Sportshyny jarysqa aǵa jattyqtyrýshy Ashat Janbırov pen jattyqtyrýshy Jarqyn Tursynov daıyndady.
Sondaı-aq el quramasynan Nurdáýlet Kumaruly (48 keli), Asqar Nurálı (55 keli) kúmis júldeger atansa, Dosbol Shamıl (65 keli) qola medal ıesi boldy.
Sonymen qatar endi el quramasynan Bazarbek Danııar (51 keli), Aqon Damır (60 keli), Meıirbekuly Marlen (71 keli), Makhambaev Mardanbek (80 keli), Toıshy Ədilet (92 keli), Sovethan Baqtup (110 keli) álem chempıonatyna qatysty.
Aıta ketsek, qazaqstandyq tóreshiler 2025 jylǵy kúres túrleri boıynsha álem chempıonatynda qyzmet atqarady.
Birikken kúres álemi (UWW) jarııalaǵan 2025 jyly Horvatııanyń Zagreb qalasynda ótetin álem chempıonatynda qyzmet atqaratyn tóreshiler qatarynda Igor Lıgaı men Erik Jumabekov bar.
Eske sala keteıik, buǵan deıin grek-rım kúresinen álem chempıonatynda qazaqstandyq balýandar taǵy eki júlde alǵanyn jazǵan bolatynbyz.