Jańazelandııalyq shirkeýge uıaly telefondar úshin aıyp salyndy
ASTANA. Jeltoqsannyń 2-si. QazAqparat - Oklend qalasyndaǵy shirkeýdiń qyzmetshileri óz kelýshileriniń qabyldaıtyn telefon qońyraýlaryn buǵattaýǵa áreket jasaǵandary úshin 1250 jańazelandııalyq dollar (30 myńǵa jýyq reseı rýbli) aıyp tóleý týraly buıryq aldy,
dep habarlaıdy QazAqparat Lenta.rý saıtyna silteme jasap.
Dinı qyzmetshiler Jańa Zelandııada jumys isteıtin jıilikke kedergi keltiretin arnaıy qurylǵyny shirkeý úıine ornatqan jáne baptaǵan. Alaıda mundaı apparattardy elde lıenzııasyz paıdalaný zańsyz bolyp tabylady.
Jańa Zelandııanyń Ekonomıkalyq damý mınıstrliginiń arnaıy taratqan málimdemesinde, mundaı qurylǵylardyń ǵıbadatshylarǵa problema týyndatpaýy múmkin bolǵanymen, alaıda shirkeýge irgeles aýmaqtardaǵy uıaly baılanystyń jumysyna áser etýi yqtımal ekeni aıtylǵan.
Óz kezeginde, eldegi asa iri Vodafone uıaly baılanys operatorynyń ókili mundaı sheshimniń kompanııa klıentteriniń quqyqtaryn qorǵaıtynyn atady. Sońǵy ýaqyttary shirkeýge jaqyn mańdaǵy uıaly baılanystardyń jumystarynda aqaýlar ádettegiden jıi baıqalatyn bolǵan.
Baılanysqa kedergi keltiretin qurylǵylar uıaly baılanys operatorlary paıdalanatyn jıilikterge sıgnaldardy jıi jiberip turady. Resmı túrde olar Jańa Zelandııada tek túzeý mekemelerinde ǵana paıdalanýǵa ruqsat etilgen. Alaıda olardy beı-bereket paıdalaný el úkimeti úshin sońǵy ýaqyttary problemaǵa aınaldy. Mundaı apparattardy aralda ornalasqan memlekette satyp alý múmkin bolmaǵanymen, olarǵa ınternet arqyly tysqary jerlerge op-ońaı tapsyrys berýge bolady.
