Jańazelandııalyq qyz bala bodıbordıng taqtaıshasymen akýladan qorǵandy
ASTANA. Aqpannyń 3-i. QazAqparat - Jańa Zelandııanyń on tórt jasar turǵyny akýla shabýylynyń qurbany boldy. Qyz balanyń qaıǵyly jaǵdaıǵa ushyramaýyna óziniń batyldyǵy kómektesti - ol qorqynyshqa boı aldyrmady, jyrtqysh balyqqa belsendi qarsylyq kórsetti,
dep habarlaıdy QazAqparat Lenta.rý saıtyna silteme jasap.
Oqıǵa dúısenbi kúni Saýtlend aımaǵynyń Inverkargıll qalasyna jaqyn mańdaǵy Oretı-Bıch aılaǵynda oryn aldy. Qyz balanyń anasy Fıona Ýordtyń aıtýynsha, qyzy Lıdııa sýda bodıbordıngpen aınalysyp júrgen kezinde akýla onyń bóksesine aýyz salyp, jarmasa ketedi.
Salqynqandylyq tanytqan on tórt jasar qyz bala bodıbordıng taqtaıshasyn ustap alyp akýlany basynan soqqylaı bastaıdy. Mundaı qarsylyqty kútpegen jyrtqysh shabýylyn doǵaryp, jónine ketedi.
Shabýyldyń qurbany bolǵan qyz bala ústine kıgen berik gıdrokostıýminiń arqasynda aıtarlyqtaı zaqymdanýdan aman qalady.
