Jańazelandııalyq áıeldiń ajaly koka-koladan keldi
ASTANA. 15 aqpan. QazAqparat - Jańa Zelandııadaǵy patologoanatomdar osydan úsh jyl buryn júregi toqtap qalǵan 30 jastaǵy Natasha Harrıs koka-kolany shekten tys kóp ishkennen kóz jumdy degen qorytyndyǵa kelip otyr, dep jazady muslim.kz
Dárigerlerdiń anyqtaǵanyndaı, marqum tiri kezinde kún saıyn kem degende10 lıtr gazdalǵan sýsyn ishetin kórinedi.
Ol osylaısha dárigerler ruqsat bergen kúndik mólsherden eki ese kóp kofeın dozasyn, al adam aǵzasyna qajetti mólsherden 11 ese kóp qant qabyldaǵan.
Segiz balanyń anasy Natasha Harrıs ólerinen biraz ýaqyt buryn osy sýsynnyń kesirinen barlyq tisinen aıyrylyp, aýzynyń opyraıyp qalǵanyn da aıta ketý kerek.
Sýsynnyń osy túrin óndiretin kompanııa patologoanatomdardyń bul tujyrymymen kelispeı otyr. Áıeldiń ajaly koka-koladan bolýy múmkin emes dep otyr kompanııa ókilderi.
Harrıstiń týystary onyń koka-kolaǵa qatty úıir bolǵanyn aıtady. Sýsynnyń bul túrin ishpese, basy aýyryp, baltyry syzdaı bastaıtyn kórinedi. Ol shekten tys qoldanǵan táttiden tisterinen aıyrylǵan.
Koroner Devıd Krırardyń sózine qaraǵanda, koka-kola Natashany júrek talmasyna alyp kelgen.
«Málim jaıttardy nazarǵa alǵanda túıgenimiz mynaý: Natasha Harrıs koka-kolany shekten tys kóp ishpegende jasyna kelip, qartaımaı, erte kóz jumbas edi», - dedi ol.
Onyń esebinshe, marqum kún saıyn ishken koka-kolanyń 10 lıtrinde 1 keliden de kóp sheker jáne 970 mg kokaın bar.
Coca-Cola kompanııasynyń adam densaýlyǵyn oılamaıtynyn aıtqan Krırar sýsyn túrlerin óndiretinderdi tutynýshylarǵa qant pen kofeındi shekten tys qoldanýdyń zııandy ekendigin eskertýge shaqyrdy.
Mıss Harrıs densaýlyǵynyń nasharlaǵanyn aıtyp, der kezinde dabyl qaqqanda, qaıǵyly jaǵdaıǵa urynbas edi dep otyr koroner.
