Janazaǵa barǵan elordalyq Jambyl oblysynyń 6 turǵynyna koronavırýs juqtyrdy
TARAZ. QazAqparat - 6 sáýirde Jambyl oblysynda koronavırýs ınfektsııasyn juqtyrýdyń 6 jaǵdaıy anyqtaldy, dep habarlaıdy QazAqparat coronavirus2020.kz saıtyna silteme jasap.
Naýqastar 1958, 1963, 1968, 1971, 1988 jáne 2001 jyly týǵan Qordaı aýdanynyń turǵyndary.
Aldyn ala málimetter boıynsha, olar 17 naýryzda Qordaı aýdanyna týysynyń jerleý rásimine kelgen Nur-Sultan qalasynyń 30 jastaǵy turǵynynan juqtyrǵan.
«Olarmen baılanysta bolǵan adamdardy anyqtaý, karantın statsıonaryna ornalastyrý, zerthanalyq zertteýge materıaldardy saralaý jumystary júrgizilip jatyr. Budan bólek, sanıtarlyq-epıdemııalyq qyzmet olardyń turǵylyqty mekenjaılary men bolǵan oryndaryn dezınfektsııalap jatyr», - delingen aqparatta.
