Janattar kir jýyp jarysty - VIDEO
ASTANA. QazAqparat - Krasnoıardyń «Roev rýcheı» saıabaǵynda janattardyń (enot) arasynda kir jýýdan jarys ótti.
Birinshilikke janat juby - Masha men Artem qatysty, dep habarlady moya-planeta.ru. Janýarlarǵa sýy bar ydys pen birneshe eski kıim berdi.
Saıystyń tóreligin saıabaqqa kelýshiler men jumysshylary júrgizip, qorytyndysynda janýarlardyń teń túskenin aıtty. Basynda Masha óziniń qarsylasyn sýy bar ydystan qýyp, onyń kir jýýyna múmkindik bermedi. Haıýanattar baǵynyń jumysshylaryna oǵan aralasýǵa týra keldi.
«Men janatty jaqsy kóremin» uranymen ótken mereke barysynda saıabaqqa kelýshilerge sonymen birge, «Janat bol» sheberlik synybyna qatysýǵa usynys jasaldy. Ol úshin qaǵazdan janýardyń maskasyn jasap, birinshilikke qatysýshylardyń sýretin alyp qaryndashtarmen salý kerek boldy.
