Jańatasta páter órtenip, bes adam evakýatsııalandy
TARAZ. QazAqparat – Jambyl oblysy Jańatas qalasynda kóppáterli turǵyn úıdegi órt sóndirilip, 5 adam qaýipsiz jerge kóshirildi, dep habarlaıdy QazAqparat tilshisi.
13 shildede Jambyl oblysy TJD Órt sóndirý qyzmetiniń «101» telefon nómirine Sarysý aýdany Janatas qalasy 4 shaǵyn aýdanynyńdaǵy kópqabatty turǵyn úıdiń janynda tal jáne turmystyq zattar órtengeni jóninde habarlama kelip túsken.
Oqıǵa ornyna Jańatas qalasy №16 órt sóndirý bóliminen órt sóndirý tehnıkasy men 3 adam shyqqan. Bul týraly TJD baspasóz qyzmeti habarlady.
«Oqıǵa ornyna jetken ot jaýyngerleri órttiń kópqabatty turǵynúı páteriniń balkonyna taralǵanyn anyqtap, jedel túrde órt sóndirý jumysyna kiristi. Nátıjesinde órttiń páter ishine taralýynyń aldyn alǵan. Oqıǵa ornynan 5 adam qaýipsiz orynǵa kóshirildi» delingen vedomstvo habarlamasynda.
Órtten zardap shekkender joq. Órt aýmaǵy 40 sharshy metrdi qurady. Qazirgý ýaqytta tilsiz jaýdyń shyǵý sebebi anyqtalyp jatyr.
