Skatov pen Shevchenko Almaty týrnıriniń shırek fınalyna shyqty

ALMATY. KAZINFORM - Qazaqstandyqtar Tımofeı Skatov pen Aleksandr Shevchenko juptyq synda Almatyda alǵash ret ótip jatqan ATP 250 týrnıriniń shırek fınalyna shyqty.

Qazaqstandyq jup alǵashqy aınalymda amerıkalyqtar Evan Kıng - Rız Shtalderdi joldan taıdyrdy - 6:1, 7:6 (7:5).

Qazaqstandyqtar shırek fınalda argentınalyq Gvıdo Andreotstsı - úndistandyq Shrırambalaı Naraıanasvamı nemese aýstralııalyqtar Djeıms Dakvort - Aleksandr Výkıchtiń qaı jeńgenimen kezdesedi.

«Tımofeımen birge oınaı bermeımin. Uıymdastyrýshylar bizge arnaıy shaqyrtý jiberdi. Úmitti aqtaı bastaǵanymyzǵa qýanyshtymyz. Barynsha sheber oınap, myqty jupty jeńdik. Týrnır barysynda alǵa jyljýǵa tolyq múmkindik bar», - dedi Aleksandr Shevchenko.

«Álemdik juptyq reıtıngide biz joǵary turǵan joqpyz. Soǵan qaramastan, qazaqstandyq jankúıerlerdi jeńisterimizben qýantqymyz keledi. Sońǵy ret Aleksandrmen birge 2021 jyly fıýcherste óner kórsetip, birinshi aınalymda jeńilip qalǵan edik. Bul joly juptyq jáne jekeleı synda da bıik maqsattar qoıyp otyrmyz», dedi Tımofeı Skatov.

Búgin jekeleı synda Beıbit Juqaev lıvandyq Benjamın Hassanmen, A.Shevchenko taǵy bir qazaqstandyq Mıhaıl Kýkýshkınmen sheberlik baıqasady. T.Skatov erteń chehııalyq Tomash Mahachpen kezdesedi.

Eske sala keteıik, budan buryn Pýtıntsevanyń Qytaıdaǵy týrnırde qarsylasyn oısyrata jeńip, ekinshi aınalymǵa shyqqanyn jazǵan bolatynbyz.