Jańatasta 92 kópqabatty úıdi jylýmen qamtyp otyrǵan qazandyq isten shyqqan
9 aqpan kúni saǵat 20:00-de Jańatas qalasyndaǵy «Jańatas Sý-jylý» KMM ortalyq qazandyǵynda jylytý qurylǵylary isten shyqqan bolatyn.
Aıta keteıik, qaladaǵy ortalyq jylý qazandyǵy 92 kópqabatty turǵyn úı, 41 bıýdjettik mekeme, onyń ishinde 11 bilim jáne 2 densaýlyq saqtaý nysanyn jylýmen qamtyp otyr.
Oblys ákiminiń tapsyrmasymen oqıǵa ornyna oblys ákiminiń orynbasary Ulan Jazylbek, Sarysý aýdanynyń ákimi Baqytjan Jaqsylyqov pen kommýnaldyq mekemelerdiń basshylary baryp, jaǵdaımen jan-jaqty tanysty.
«Júrgizilgen jóndeý jumystary nátıjesinde 10 aqpan saǵat 07:00-de qazandyq iske qosylǵan. Qazirgi ýaqytta jylý +24 gradýs, al qaıtarymy +21 gradýspen berilýde. Jylý jáne ystyq sýmen qamtýdy turaqtandyrý jóninde barlyq tıisti sharalar qolǵa alyndy. Medıtsınalyq nysandar ýaqytsha qosymsha elektr jylytý qurylǵylarymen qamtyldy. Jańatas qalasyna jylý berýdegi temperatýralyq rejımdi tolyq qalpyna keltirý jumystary júrgizilýde»,-delingen oblys ákiminiń baspasóz qyzmetiniń habarlamasynda.
Qurylǵylardyń isten shyǵý sebepterin anyqtaý men Jańatas qalasyn jylýmen qamtýdy qalpyna keltirý boıynsha jumys toby qurylǵan.
