Jańatasta zaýyttan dızel otynyn urlaýmen aınalysyp kelgen qylmystyq top ustaldy
Jańatasta 10 tonnadan astam dızel otynyn urlaǵan qylmystyq top quryqtaldy, – dep habarlaıdy QazAqparat Polisia.kz saıtyna silteme jasap.
Jambyl oblysynyń polıtsııa departamenti Jańatas qalasyndaǵy «Qazfosfat» JShS zaýytynan uzaq ýaqyt boıy dızel otynyn urlaýmen aınalysyp kelgen qylmystyq toptyń áreketin anyqtap, tosqaýyl qoıdy.
Atalǵan derekke qatysty QR QK-niń 188-baby 3-bóligi 1-tarmaǵymen (Іri mólsherde jasalǵan urlyq) sotqa deıingi tergeý isi bastaldy. Urlyqty uıymdastyrýshy Túrkistan oblysynyń 34 jastaǵy turǵyny ekeni belgili boldy.
Zaýyt qyzmetkerleriniń kómegimen kúdiktiler uzaq ýaqyt boıy iri kólemde dızel otynyn urlar kelgen. Kúdiktilerdiń turǵylyqty jerin tintý nátıjesinde 10 tonnaǵa jýyq dızel otyny, sondaı-aq janar-jaǵarmaı tasymaldaý jáne aıdaý úshin paıdalanylǵan avtokólikter men arnaıy jabdyqtar tabylyp, tárkilendi.
«Sonymen qatar tegis uńǵyly myltyqtyń bóligi tabyldy. QR QPK-niń 201-babyna sáıkes, tergeýge qatysty ózge málimetter jarııalaýǵa jatpaıdy»,-delingen habarlamada.
