Janat Jaqııanovtyń qolǵaby 600 myń teńgege satyldy
Sharany SQO QHA «Qoǵamdyq kelisim» birlestigi uıymdastyrdy. Qaıyrymdylyq keshine 300-den astam adam qatysty. 60 debıýtant vals bılep, kontsert qoıyldy, qaıyrymdylyq aýktsıony ótkizilip, qatysýshylar marapattaldy.
Aýktsıonǵa Monte-Karloda WBA nusqasy boıynsha jeńil salmaqtaǵy ýaqytsha álem chempıony tıtýlyn jeńip alǵan boksshy Janat Jaqııanovtyń bylǵary qolǵaby, Djıro D'Italııa grand-týrynyń jeńimpazy jáne Olımpıada chempıony Vınchentso Nıbalıdiń qoltańbasy bar jáne Olımpıada jeńimpazy Aleksandr Vınokýrovtyń qoltańbasy bar fýtbolka, «Qulager» hokkeı komandasynyń taıaǵy men formasy jáne «Astana» kásibı sport klýby komandalarynyń lottary qoıyldy. Barlyq lottarǵa komanda músheleri qol qoıǵan.
Janat Jaqııanovtyń qolǵaby eń qymbatqa satylǵan lot boldy. Ol 600 myń teńgege baǵalandy. Aýktsıon jeńimpazyna ony boksshynyń ózi tapsyrdy.
Qaıyrymdylyq keshinde 3 mıllıonnan astam teńge jınaldy. Jınalǵan qarjy Ivan Zologındi (týabitti qos búırektiń gıpoplazııasy), Ilıa Pýgachty (osteopetroz), Dıana Beısenbaevany (mıdyń isigi) emdeýge jumsalady.
Soltústik Qazaqstan oblysynda qaıyrymdylyq baly ekinshi jyl ótkizilýde. Byltyr 1,8 mln teńge jınaldy. Bul qarjy da bes aýyr syrqatqa shaldyqqan balany emdeýge jumsaldy.