Janat Jaqııanovtyń kelesi qarsylasy kim bolady
ASTANA. QazAqparat - WBA Super men IBO tujyrymdary boıynsha jeńil salmaqtaǵy álem chempıony atanǵan Janat Jaqııanov aldaǵy ýaqytta tanymal chempıondarmen kezdesip, jekpe-jekter ótkizýden úmitti, dep xabarlaıdy QazAqparat tilshisi.
"Meniń kelesi qarsylasymnyń kim bolatynyn áli bilmeımin. Degenmen Djeımı Makdonnell (29-2-1, 13 KO) bolýy ábden múmkin. Nege ol? Sebebi Djeımı - WBA tujyrymdamasy boıynsha álem chempıony. Eki jaq kelise alsa, osy ataq úshin talasa alamyn», - dedi Jaqııanov búgin Astanada ótken baspasóz máslıxatynda. Onyń aıtýynsha, japondyq Shınsýke ıAmanakamen judyryqtasýǵa da bolatyn edi. Alaıda barlyǵy kelissózderge baılanysty. Jaqııanovtyń ózi kez kelgen jekpe-jekke daıyn ekendigin málimdep otyr.
Aıta keteıik, aqpannyń 11-inde ótken jekpe-jekte Janat Jaqııanov WBA Super men IBO tıtýldarynyń ıegeri, álem chempıony Roshı Ýorrendi jeńip, eki birdeı belbeýdi tartyp aldy. Birinshi raýndta Janat Jaqııanov eki ret nokdaýn alsa da, tarazy basyn óz paıdasyna qaraı aýystyra bildi. Osy jekpe-jekten keıin qazaqstandyq boksshy Boxing Scene reıtıngisinde 9-orynnan birden 2-shi orynǵa kóterildi. Búgingi baspasóz máslıxatynda Janat sońǵy jekpe-jekte jeńiske qalaı jetkenin aıtyp berdi. Ol Qazaqstannan kóshpeıtinin de málimdedi .
