Janat Jaqııanovtyń bolýy múmkin qarsylasy anyqtaldy
ASTANA. QazAqparat - Soltústikırlandııalyq Raıan Barnett (17-0, 9 KO) qazaqstandyq Janat Jaqııanovty (27-1, 18 KO) óziniń áleýetti qarsylasy retinde qarastyrady, dep habarlaıdy Sports.kz.
Basylymnyń habarlaýynsha, taıaýda ǵana IBF-tiń álem chempıony belbeýine ıe bolǵan jeńil salmaqtaǵy Barnett óziniń kelesi aıqasyn 21 qazanda Belfastta (Soltústik Irlandııa) ótkizbekshi. Onyń qarsylasy WBA tıtýlynyń ıegeri Jaqııanov bolýy ábden múmkin, alaıda pýertorıkalyq Emmanýel Rodrıgestiń de esimi (16-0, 11 KO) qarsylas bolýǵa úmitker retinde ataldy.
Barnettiń ózi kelesi qarsylasynyń esimi belgili bolǵandyǵyn jáne jýyq arada jarııalanatyndyǵyn aıtty.
Aıta keteıik, buǵan deıin soltústikırlandııalyq promoýter Ellı Hırn Barnett pen Jaqııanov arasynda jekpe-jek ótkizgisi keletindigin aıtqan bolatyn.
