Janat Jaqııanovtyń aıqasyn qaı telearna kórsetedi
ASTANA. QazAqparat - 21 qazannan 22 qazanǵa qaraǵan túni boks jankúıerleri «QAZSPORT» arnasynan tikeleı efırde qazaqstandyq boksshy Janat Jaqııanovtyń boksyn tamashalaı alady, dep habarlaıdy QazAqparat tilshisi telearna saıtyna silteme jasap.
Soltústik Irlandııanyń Belfast qalasynda eń basty jekpe-jekte jeńil salmaqtaǵy WBA Super jáne IBO nusqalary boıynsha álem chempıony Janat Jaqııanov (27 jeńis, 18 nokaýt, 1 jeńilis) jáne IBF nusqasy boıynsha álem chempıony soltústik ırlandııalyq Raıan Barnett (17 jeńis, 9 nokaýt, jeńilis joq) shyǵatyn bolady.
Jaqııanov álemdik boks reıtıngisinde 12-shi orynda bolsa, Barnett-5-shi orynda. Janat Jaqııanov WBA Super jáne IBO belbeýlerin 2017 jyldyń aqpanynda aldy, al Barnett maýsym aıynda IBF chempıondyq belbeýine ıe bolǵan bolatyn.
