Janat Jaqııanov jekpe-jek aldynda ashyq jattyǵý ótkizdi
ASTANA.QazAqparat - Jeńil salmaqtaǵy WBA Super jáne IBO nusqalary boıynsha álem chempıony, qazaqstandyq kásipqoı boksshy Janat Jaqııanov (27-1-0, 18KO) jekpe-jek aldynda ashyq jattyǵý ótkizdi, dep habarlaıdy QazAqparat.
Boksshynyń bapkeri Rıkkı Hatton óziniń tvıtterinde ashyq jattyǵýdan vıdeo jáne fotolar júktedi.
Aıta keteıik, Soltústik Irlandııanyń Belfast qalasyndaǵy saýda ortalyqtarynyń birinde uıymdastyrylǵan ashyq jattyǵýǵa Jaqııanovtyń qarsylasy, IBF nusqasy boıynsha álem chempıony Raıan Barnett te (17-0-0, 9KO) qatysty.
Eske salaıyq, Jaqııanov jáne Barnett jekpe-jegi Qazannyń 21-nen 22-sine qaraǵan túni Belfast qalasynda ótedi. Boksshylar ózderiniń chempıondyq belbeýlerin qorǵaıtyn bolady. Boks keshin «QAZSPORT» telearnasy 21 qazannan 22 qazanǵa qaraǵan túni saǵat 00:30-da tikeleı efırde kórsetedi.
