Janat Jaqııanov WBA reıtınginiń TOP-3-tigine kirdi
ASTANA. QazAqparat - Jeńil salmaqtaǵy qazaqstandyq kásibı boksshy Janat Jaqııanov Dúnıejúzilik boksshylar qaýymdastyǵynyń (WBA) reıtınginde eki orynǵa kóterildi, dep habarlady Vesti.kz.
Jańartylǵan tizimde J. Jaqııanov úshinshi orynda tur. Qazaqstandyq boksshy jeńil salmaqta WBC Eurasia Pacific Boxing Council tıtýlynyń ıegeri, sondaı-aq EBU nusqasy boıynsha Eýropa chempıony ekenin aıta keteıik.
WBA reıtınginde jartylaı aýyr salmaqtaǵy álemniń burynǵy chempıony Beıbit Shúmenov ekinshi orynyn saqtap qaldy. Eske salsaq, qazaqstandyq jeltoqsanda birinshi aýyr salmaqta synǵa túsip, amerıkalyq kishi Bobbı Tomasty jeńgen. Budan buryn Shúmenov Denıs Lebedevke qarsy úmitkerler tizimine engen.
Birinshi orta salmaqta synǵa túsetin taǵy bir Qazaqstan ókili Qanat Islam WBA reıtınginde 10-satydan segizinshi satyǵa kóterildi. Naýryz aıaǵynda Kolýmbııada qazaqstandyq jergilikti boksshy Orlando De Hesýs Estradany ýaqytynan buryn jeńip, WBA Fedelatin tıtýlyn qorǵaǵan.
