Janat Jaqııanov tıtýldyq aıqastan keıin jeńil salmaqty boksshylar reıtınginde kóterildi
ASTANA. QazAqparat - Qazaqstandyq boksshy Janat Jaqııanov (26-1, 18 KO) venesýellalyq Ionfrez Parehomen tıtýldyq aıqastan keıin jeńil salmaqty boksshylar reıtınginde 2 satyǵa kóterildi dep habarlady Vesti.kz.
Boksshylar jekpe-jegi ótken demalysta Monakoda ótti jáne aıqas 12 raýndqa jalǵasty. Sýdıanyń sheshimimen jeńis qazaqstandyq boksshyǵa buıyrdy.
Osylaısha, Jaqııanov jeńil salmaqtaǵy WBA nusqasy boıynsha «ýaqytsha» álem chempıony tıtýlyn jeńip aldy.
Boxrec.com nusqasy boıynsha táýelsiz reıtıngte Janat Jaqııanov 43-orynnan 41-orynǵa (73 upaı) kóterildi. Ionfrez Pareho (72) úsh satyǵa tómendedi. Qazaqstandyqtan keıingi 42-jolǵa jaıǵasty.
Bul - 32 jastaǵy Jaqııanovtyń mansabyndaǵy 26-shy (18 nokaýt) jeńisi, bir ret jeńilgen. 29 jastaǵy Parehonyń ekinshi jeńilisi, qorjynynda 17 jeńisi men bir teń oıyn bar.
