Janat Jaqııanov SQO ákimine bylǵary qolǵabyn syılady
ASTANA. QazAqparat - Soltústik Qazaqstan oblysynyń ákimi Erik Sultanov kásipqoı boksshylar arasynda WBA (Super) men IBO tujyrymdamasy boıynsha álem chempıony atanǵan Janat Jaqııanovpen kezdesti. Bul týraly ákimdiktiń baspasóz qyzmeti habarlady.
«Jerlesimizdiń jeńisi Qazaqstannyń kásipqoı rıngte tıtýldar boıynsha álemniń úzdik 5 eli qataryna kirýge múmkindik berdi. Shynymen de álemdik sport arenasynda elimizdiń bedelin arttyrýda Janat úlken úles qosty, Janattyń kórsetken jetistikteri ósip kele jatqan jetkinshekter úshin aıqyn mysal bolyp otyr», - dedi Erik Sultanov.
Sondaı-aq, kezdesýde chempıondy jeńisimen sport ardagerleri Jambyl Tasmenov pen Aleksandr Merk quttyqtady.
Joǵary sporttyq kórsetkishteri úshin, sondaı-aq, kásipqoı boksshylar arasynda WBA (Super) men IBO tujyrymdamasy boıynsha álem chempıony atanǵan Janat Jaqııanov qarjylaı syıaqymen marapattaldy.
Óz kezeginde Janat Jaqııanov oblys ákimine alǵysyn aıtyp, 11 aqpan kúni Toledo qalasynda Roýshı Ýorrenmen bokstasqan jekpe-jektegi qolǵabyn syılady.
