Janat Jaqııanov pen Raıan Barnettiń jekpe-jegin qaıdan kórýge bolady
ASTANA. QazAqparat -Qazannyń 21-nen 22-sine qaraǵan túni qazaqstandyq boksshy Janat Jaqııanovtyń qatysýymen kásipqoı boks keshi ótedi. Janat Jaqııanov pen Raıan Barnettiń jekpe-jegin «QAZSPORT» telearnasy tikeleı efırde kórsetedi, dep habarlaıdy QazAqparat.
Aıta keteıik, 2017 jyldyń 21 qazannan 22 qazanǵa qaraǵan túni Soltústik Irlandııanyń Belfast qalasynda ótetin boks keshinde eń basty jekpe-jekte jeńil salmaqtaǵy WBA Super jáne IBO nusqalary boıynsha álem chempıony Janat Jaqııanov (27 jeńis, 18 nokaýt, 1 jeńilis) pen IBF nusqasy boıynsha álem chempıony soltústik ırlandııalyq Raıan Barnett (17 jeńis, 9 nokaýt, jeńilis joq) judyryqtasady. Álemdik boks reıtıngi boıynsha Jaqııanov 12-orynda, al Barnett -5-bolyp tur. Janat Jaqııanov WBA Super jáne IBO belbeýlerine 2017 jyldyń aqpanynda ıe bolsa, Barnett maýsym aıynda IBF chempıondyq belbeýin alǵan bolatyn.
«Boksshylar ózderiniń chempıondyq belbeýlerin jeńiske tigip otyr. Al jeńiske jetken boksshy WBA Super jáne IBF chempıondyq belbeýlerine ıe bolady. Boks keshin «QAZSPORT» telearnasynan 21 qazannan 22 qazanǵa qaraǵan túni saǵat 00:30-da ótkizip almańyzdar», - delingen ulttyq arnanyń taratqan baspasóz baıanynda.
