Janat Jaqııanov: «Meni búkil Qazaqstan maqtan etetin bolady»
ASTANA. QazAqparat - Qazaqstandyq boksshy Janat Jaqııanov (25-1, 18 KO) WBA tujyrymdamasy boıynsha eń jeńil salmaqta (53,5 kelige deıin) álemniń «ýaqytsha» chempıony tıtýlyna ıe Venesýela boksshysy Ionfres Parehomen (17-1-1, 8 KO) jekpe-jek aldynda pozıtıvti kóńil kúıimen bólisti, dep habarlaıdy sports.kz.
Bul jekpe-jek 7 qarasha kúni Monte-Karloda (Monako) josparlanǵan.
«Álemdik tıtýldyń qandaı da bir tujyrymdamasyn jeńgen árbir sportshy - óte jaqsy aıqasýshy, sondyqtan Parehomen jekpe-jek men úshin kúrdeli bolatynyna senimdimin. Sonymen qatar, men ol úshin eńserilmeıtin kedergi bolatynyma kúmánim joq. Sońǵy 12 qarsylasymdy nokaýtqa jiberdim, al 7 qarashada 13-shisine qol jetkizýdi josparlap otyrmyn. Pareho menimen barlyq 12 raýnd bokstasyp, tıtýlyn saqtap qalamyn dep oılaıtyn shyǵar. Biraq menony eseńgiretemin. Meniń soqqylarymnan ol ne bolǵanyn da túsinbeı qalady», - dep keltiredi Janattyń sózderin Boxingscene.
«Álem chempıony tıtýlyna ıe bolý - bul arman. Meniń ǵana emes, búkil Qazaqstannyń armany. Golovkın men Shúmenov Qazaqstanǵa WBA tıtýldaryn ákeldi, men de qalyspaımyn. Úıimde jankúıerlerim óte kóp, Eýropa chempıony tıtýly úshin jekpe-jekte Karım Gerfıdi nokaýtqa jibergenimde, kóp adamdy qýantqan edim. Biraq álemdik tıtýldy ıelený - odan da úlken jetistik. Meni búkil Qazaqstan maqtan etetin bolady», - dedi boksshy.
