Janat Jaqııanov qarsylasymen betpe-bet kezdesti
ASTANA. QazAQparat - Astana ýaqytymen erteń tańǵa jaqyn qazaq boksshysy Janat Jaqııanov AQSh-ta jergilikti boksshymen sharshy alańǵa shyǵady, dep habarlaıdy QazAqparat tilshisi.
Qazaq boksshysynyń qatysýymen ótetin jekpe-jek keshi jergilikti ýaqytpen 10 aqpan kúni Toledo qalasynda (AQSh, Ogaıo shtaty) ótedi. Jerlesimizdiń qarsylasy 29 jastaǵy amerıkalyq boksshy. Esimi - Ýorren. Ol jeńil salmaqtaǵy WBA (Super) jáne IBO tujyrymdary boıynsha chempıondyq belbeýlerin tikse, 33 jastaǵy Jaqııanov WBA tujyrymynyń belbeýin qoıyp otyr.
Qos boksshy jekpe-jek aldyndaǵy baspasóz otyrysynda kezdesip, bir-birine súze qarasty. Erteń qos boksshy arasyndaǵy naǵyz myqtylar anyqtalady.
Aıta keteıik, Ýorrenge qarsy kezdesý Jaqııanovtyń AQSh jerinde ótkizeıin dep jatqan birinshi jekpe-jegi. Buǵan deıin otandasymyz Qazaqstan, Monako, Bolgarııa, Avstralııa, Belarýs, Anglııa, Soltústik Irlandııa, Gonkong, Shveıtsarııa, Ózbekstan, Taıland jáne Reseı elderinde judyryqtasqan bolatyn.
Janat Jaqııanov týraly jalpy maǵulmat:
Tolyq esimi: Janat Eskendiruly Jaqııanov
Laqap aty: ZZ
Azamattyǵy: Qazaqstan
Týǵan kúni: 4 qarasha 1983 (33 jas)
Týǵan jeri: Petropavl
Turǵylyqty jeri: Petropavl
Salmaǵy: Asa jeńil salmaq (53,5 keli)
Turysy: Ońqaı
Boıy: 170 sm
Qoldyń qarqyny: 170 sm
Bapkeri: Rıkkı Hatton
Komandasy: Hatton promotions
Chempıon beldigi: EBU, WBA interim
