Janat Eshmaǵambetov Óskemen túrmesinen taraǵan sýret týraly: Tabylǵan telefon Serik Kúdebaevtiki emes
«Óskemendegi burynǵy quqyq qorǵaý qyzmetkerlerine arnalǵan qaýipsizdigi orta deńgeıdegi №22 mekemedegi jaǵdaıǵa kelsek, beınejazbany kórdik jáne qyzmettik tergeý júrgizdik. Іshki tártip erejeleri boıynsha, barlyq sottalýshylardyń ózi ornalasqan mekemeniń qaýipsizdik deńgeıine qaraı qysqa merzimge nemese uzaq merzimge týystarymen kezdesýge quqyǵy bar. Osy kezdesýler kezinde týystarynan sálemdemeler qabyldaı alady. Onyń ishinde azyq-túlik te bar. Bul jaǵdaıda sottalýshylar týystarymen kezdesýde azyq-túlik alǵan. Sýrette ústeldiń ústinde ne turǵanyn kórdińizdep oılaımyn. Saǵat 8.00-den keıingi bos ýaqyttarynda jınalyp, tamaq ishken», - dedi Janat Eshmaǵambetov.
Sondaı-aq, ol dastarhan basyndaǵylardy sýretke kim túsirgeni anyqtalǵanyn aıtty.
«Biz anyqtaǵan zań buzý áreketi - uıaly telefonnyń bolýy jáne beınekameralardyń obektıvin jaýyp tastaý. Mekemede mundaıǵa qatań tyıym salynǵan.
Kimniń sýretke túsirgenin anyqtadyq. Bul sottalýshylardyń biri bolyp shyqty. Telefondy taýyp, tárkiledik. Telefon ustaǵan adam jazalaý mekemesiniń rejımin qasaqana buzýshy retinde tártiptik ızolıatorǵa qamaldy. Tyıym salynǵan quraldyń qalaı kirgizilgenin tekserip jatyrmyz», - dedi komıtet tóraǵasy.
Onyń aıtýynsha, sýret túsirýge qoldanylǵan telefon Serik Kúdebaevtiki emes.
«Biz tekserý júrgizdik. Akogol ishimdigi bolmaǵan. Ústel ústinde, olar tutynǵan tamaqtyń ishinde tyıym salynǵan zattar bolmaǵan», - dedi Janat Eshmaǵambetov.
Buǵan deıin Almaty oblystyq polıtsııa departamentiniń burynǵy bastyǵy, Qańtar oqıǵasynan keıin sottalǵan Serik Kúdebaevtyń Óskemen túrmesindegi sýreti jelige tarap ketýine baılanysty qyzmettik tekserý bastalǵanyn jazǵan edik.
