Janat Eshmaǵambetov Atbasar túrmesindegi azaptaý týraly: Qyzmetkerler kúsh qoldanbaýy kerek edi

ASTANA. QazAqparat – Qylmystyq-atqarý júıesi komıtetiniń tóraǵasy Janat Eshmaǵambetov Atbasardaǵy sottalǵan azamatty azaptaý oqıǵasyn «qyzmet babyn asyra paıdalaný» dep baǵalaıtynyn aıtty, dep habarlaıdy QazAqparat tilshisi.

«Men qylmystyq-protsessýaldyq maman emespin nemese tergeýshi emespin. Qazir arnaıy prokýratýra sotqa deıingi qylmystyq tergeý júrgizip jatyr. Biz beınejazbany tyńǵylyqty zerdeledik. Komıtet tóraǵasynyń birinshi orynbasary bastaǵan qyzmetkerler oqıǵa ornyna bardy.

Meniń pikirimshe, bul qyzmet babyn aıqyn arttyrý boldy. Beınejazbadan kórgenimiz – sottalýshylar belsendi qarsylyq kórsetpegen. Zańdy talapty oryndamaý boldy. Mundaı jaǵdaıda arnaıy qural men kúsh qodanylmaıdy», - dedi ol.

Sondaı-aq, sottalýshyǵa kúsh qoldanǵan qyzmetkerler tártip boıynsha qalaı áreket etý kerek bolǵanyn aıtty.

«Bizdiń pikirimizshe, zańdy talaptarǵa baǵynbaý áreketi beınetirkeýge túsirilýi kerek edi. Sodan keıin hattama toltyrylyp, tártip ızolıatoryna jiberý týraly qaýly qabyldanýy kerek bolǵan. Bul sottalýshylar shynymen de qyzmetkerlerdiń zańdy talaptaryn oryndamaǵan. Biraq bul arnaıy quraldardy qoldanýǵa ruqsat bermeıdi. Yqpal etýdiń basqa da túrleri bar. Onyń bári zańda kórsetilgen. Biraq men qaıtalap aıtam, túpkilikti sheshimdi tergeý organdary shyǵarady», - dedi Janat Eshmaǵambetov.

Eske salsaq, Aqmola oblysynyń Atbasar túrmesindegi sottalǵandarǵa qatysty kúsh qoldaný deregi boıynsha prokýratýra sotqa deıingi tergeýdi bastalǵanyn jazǵan edik.

Keıin osy oqıǵaǵa baılanysty Amola oblystyq oblystyq qylmystyq-atqarý júıesi departamentiniń bastyǵy qyzmetinen shettetildi.