Jańarý men jańǵyrýdy aıshyqtaıtyn Ulystyń uly kúni bereke birliktiń bastaýyna aınalǵandaı - Q. Ýálı
ASTANA. 18 naýryz. QazAqparat /Qanat Mámetqazyuly/ - Jańarý men jańǵyrýdy aıshyqtaıtyn Ulystyń uly kúni bereke birliktiń bastaýyna aınalǵandaı.
Búgin QR Parlamenti Májilisiniń ǵımaratynda Naýryz meıramyna baılanysty ótken merekelik shara barysynda depýtat Qurmanǵalı Ýálı osyndaı tilek aıtty.
«Kele jatqan ulystyń uly kúni, qasıetti Áz Naýryz barshaǵa bolsyn! Bul merekeniń negizgi ereksheligi yqylym zamannan kele jatqan, babadan balaǵa jalǵasyn taýyp kele jatqan, joǵalmaı, kerisinshe jańǵyryp kele jatqan halyqtyq meıram. Halyqtyń búgingi tańdaǵy nıeti de sony aıǵaqtaıdy. Ápsana boıynsha Ulystyń uly kúni Qydyr baba jerge túsip, elge nesibesin taratatyn kún. Halyq sony qatty kútip, tilep otyratyn bolǵan. Endeshe osyndaı ulyq meıramnan aıyrmasyn. Barsha elimizge baqytty, yrysty, yntymaqty ala kelsin. Jańarý men jańǵyrýdy aıshyqtaıtyn Ulystyń uly kúni bereke birliktiń bastaýyna aınalǵandaı. Sondyqtan da, dostyq pen izgiliktiń merekesi yrys-qut, baıandy baqyt ákelsin! - dedi», - dedi Q. Ýálı.
