Jańartylǵan IBF reıtıngindegi qazaqstandyq boksshylardyń orny belgili boldy
NUR-SULTAN. QazAqparat – Halyqaralyq boks federatsııasy (IBF) barlyq salmaq dárejesiniń jańartylǵan reıtıngin jarııalady, dep habarlaıdy QazAqparat Sports.kz portalyna silteme jasap.
Nazarlaryńyzǵa Qazaqstan boksshylarynyń qaı orynda ekenin usynamyz:
Ekinshi orta sanattaǵy Aıdos Erbosynuly jetinshiden altynshy orynǵa kóterildi. Bul salmaqta IBF tujyrymy boıynsha álem chempıony – amerıkalyq Kaleb Plant. Alǵashqy eki qatar vakantty, al úshinshi orynda taǵy bir AQSh ókili Kaleb Trýa tur.
Álem chempıony ataǵy Gennadıı Golovkınge tıesili orta salmaqta Meıirim Nursultanov onynshy orynnan toǵyzǵa kóterildi, Jánibek Álimhanuly 11-qatarda bolsa, Qanat Islam 14-oryndy saqtap qaldy. Reıtıngtiń alǵashqy eki orny vakantty, al úshinshi oryn, ıaǵnı joǵary úmitkerlik pozıtsııada nemis Patrık Voıtsıtskı tur.
Jartylaı orta dıvızıonda Danııar Eleýsinov burynǵysha toǵyzynshy qatarda. Kishi Eroll Spens álem chempıony bolyp qaldy, al birinshi orynda Ózbekstan ókili Kýdratıllo Abdýkahorov tur, odan keıingi oryndarǵa amerıkalyq Shon Porter men reseılik Sergeı Lıpınets jaıǵasqan.
Birinshi jartylaı orta salmaqta óner kórsetetin Batyr Júkembaev bir satyǵa tómendep, segizinshi orynǵa syrǵydy. Álem chempıony ataǵy brıtandyq Djosh Teılorǵa tıesili, alǵashqy eki oryn bos, al úshinshi orynda -aýstralııalyq boksshy Lıam Paro.
