Jańartylatyn energııa kózderine arnalǵan zań jobasynyń tanystyrylymy ótti
ASTANA. 16 aqpan. QazAqparat - Búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy bolyp ótti.
Zań jobasy jańartylatyn energııa kózderin paıdalanýdy damytýǵa, jańartylatyn energııa kózderin paıdalaný salasyndaǵy jobalardy iske asyrý kezinde áleýetti ınvestorlardy qoldaýǵa, ashyqtyqty jáne aıqyndyqty ulǵaıtýǵa, jańartylatyn energııa kózderin paıdalaný salasyndaǵy jobalardy kedergisiz iske asyrýǵa baǵyttalǵan.
Budan bólek, atalǵan qujat jańartylatyn energııa kózderin paıdalaný esebinen jańa elektr qýattaryn iske qosylýyn qamtamasyz etýdi qamtamasyz etetin bolady.
Soynmen qatar, zań jobasyn qabyldaýda boljanǵan áleýmettik saldarlar jańartylatyn energııa kózderin paıdalana otyryp, ekologııalyq jaǵynan taza energııany óndirýdi damytýda kórinis tabady jáne nátıjesinde halyqtyń ómir súrý sapasyn arttyrýǵa áser etetini kútiledi. Sondaı-aq Kıoto hattamasy sheńberinde qabyldaǵan mindettemelerge sáıkes Qazaqstan 2020 jylǵa deıin atmosferaǵa parnık gazdarynyń shyǵarym kólemin 15 paıyzǵa qysqartýdy ózine mindet retinde alǵan bolatyn. Bul baǵyttaǵy sharalar da jobada qarastyrylǵan.
Boljanǵan quqyqtyq saldarlar jańartylatyn energııa kózderin paıdalanýdy qoldaýdyń quqyqtyq tetikterin qurýdy kórsetedi.
Toqtala ketetin jaıt, atalǵan zań jobasy boıynsha jumys toby qurylǵan bolatyn, oǵan Májilistiń Ekologııa máseleleri jáne tabıǵat paıdalaný komıtetiniń hatshysy Shavhat Ótemisov jetekshilik jasaıtyn bolady.
